24. fundur verkefnisstjórnar 5. áfanga
Fundarfrásögn
24. fundur verkefnisstjórnar rammaáætlunar, 5. áfanga
Staður: Teams-fundur
Tími: 12. október 2022 kl. 14:00-16:00
Mætt:
Vstj: Jón Geir Pétursson (JGP) formaður, Agnes Stefánsdóttir (AS), Ása L. Aradóttir (ÁLA), Guðrún Arnbjörg Sævarsdóttir (GAS), Ólafur Adolfsson (ÓA) og Þórgnýr Dýrfjörð (ÞD).
URN: Herdís Helga Schopka (HHS).
Dagskrá:
Inngangur
Vefsjá og vinnugögn
Forgangsröðun vinnu
Samskipti við formenn faghópa
Kynningarfundir
Önnur mál
Fundarfrásögn:
Fundur settur kl. 14:00.
- Inngangur:
- Fundargerðir 17.-23. funda yfirfarnar og samþykktar.
- Formaður greinir frá samskiptum við starfshóp ráðherra um vindorku á landi.
- Vefsjá og vinnugögn: LMI hefur unnið vefsjá um gögn fyrir rammaáætlun, í samstarfi við formann verkefnisstjórnar og formenn faghópa. Þetta nýja tæki verður gagnlegt fyrir greiningar á virkjanakostum, utanumhald um gögn og eins til miðlunar útávið. LMÍ munu vinna að vefsjánni áfram, sérstaklega varðandi þarfir faghópanna.
- Forgangsröðun vinnu verkefnisstjórnar. Rætt um þá virkjanakosti sem eru í forgangi í 5. áfanga, þ.e. þeir virkjanakostir sem Alþingi færði í biðflokk við afgreiðslu sína á 3. áfanga RÁ í júní sl., fyrirliggjandi vindorkukostir og svo þá aðra virkjanakosti sem sendir voru til 4. áfanga.
- Samskipti við formenn faghópa: Formaður hefur átt í samskiptum við formenn faghópanna fjögurra um skipulag þeirra vinnu.
- Kynningarfundir með fulltrúum vindorkuverkefna: Formenn faghópa hafa áhuga á að fá kynningar á þeim vindorkuvirkjunum sem senda hafa verið til rammaáætlunar. Rætt að skipuleggja slíka kynningarfundi 3.-4. nóvember og fá þar kynningar á þessum verkefnum fyrir alla fulltrúa í faghópum og verkefnisstjórn. Verði haldið á Teams. HHS tekur skipulagningu að sér.
- Önnur mál:
- Rætt um möguleika þess að verkefnisstjórn fari í vettvangsferðir á slóðir virkjunarkosta í 5. áfanga. Rætt að útfæra betur síðar.
- Fleira var ekki rætt.
Fundi slitið kl. 16:00.