Virkjunarkostir sem faghópar RÁ4 eru að meta
Verkefnisstjórn 4. áfanga rammaáætlunar um vernd og orkunýtingu landsvæða (RÁ4) fór fram á það við Orkustofnun í apríl 2019 að fá senda til umfjöllunar nýja virkjanakosti, sem ekki hefðu ratað á borð RÁ áður.
Þann 30. janúar og 1. apríl 2020 sendi Orkustofnun verkefnisstjórn RÁ4 43 nýja virkjunarkosti til meðferðar.
Af þessum 43 virkjunarkostum eru 7 í vatnsafli, þar af 3 um stækkun á núverandi virkjunum, 2 í jarðvarma (stækkunarkostur jarðvarmaversins í Svartsengi barst verkefnisstjórn í júlí) og 34 í vindorku. Orkustofnun hafði tekið fram að ekki lægi fyrir hvaða gögn þyrftu að fylgja virkjunarkostum í vindorku á þessu stigi og að líklega yrði kallað eftir frekari gögnum síðar.
Verkefnisstjórn og faghópar RÁ4 fóru yfir innsend gögn allra kostanna. Sumum fylgdu ekki lögboðin gögn og var kallað eftir þeim til virkjunaraðila. Hvað varðar vindorkuverin var það niðurstaða faghópa og verkefnisstjórnar að 5 kostum fylgdu nægileg gögn til að hægt væri að meta þau. Sú vinna var sett í gang og Orkustofnun beðin um að kalla eftir viðbótargögnum frá aðstandendum annarra vindorkuvera.
Orkustofnun skilgreindi hvaða gögn þyrftu að fylgja vindorkukostum og kallaði eftir þeim frá virkjanaaðilum vindorkukosta þann 17. september 2020. Faghópar héldu áfram vinnu við mat.
Faghópar RÁ4 eru að meta eftirtalda virkjanakosti:
| Nr. í RÁ4 | Virkjunarkostur | Framkvæmdaaðili | Uppsett afl, MW | Orkugjafi |
|---|---|---|---|---|
| R4103A | Skúfnavatnavirkjun | VesturVerk ehf. | 16 | Vatn |
| R4158A | Hamarsvirkjun | Hamarsvirkjun ehf. | 60 | Vatn |
| R4159A | Hvanneyrardalsvirkjun | VesturVerk ehf. | 13,5 | Vatn |
| R4160A | Vatnsfellsstöð - Stækkun | Landsvirkjun | 55 | Vatn |
| R4161A | Sigöldustöð - Stækkun | Landsvirkjun | 65 | Vatn |
| R4162A | Hrauneyjafossstöð - Stækkun | Landsvirkjun | 90 | Vatn |
| R4163A | Tröllárvirkjun | Orkubú Vestfjarða | 13,7 | Vatn |
| R4293A | Svartsengi - Stækkun | HS Orka | 50 | Jarðhiti |
| R4301B | Búrfellslundur | Landsvirkjun | 120 | Vindur |
| R4305A | Vindheimavirkjun | Fallorka ehf. | 40 | Vindur |
| R4318A | Sólheimar | Quadran Iceland Development | 151 | Vindur |
| R4328A | Vindorkugarður í Garpsdal | EM Orka ehf. | 88,2 | Vindur |
| R4331A | Alviðra | Hafþórsstaðir ehf. | 30 | Vindur |