Vettvangsferð á Suðurland og Sprengisand, 5.-6. september 2015
Skýrsla
Faghópar 1 og 2 fóru í kynnisferð um virkjunarsvæði á Suðurlandi og á Sprengisandi helgina 5.- 6. september 2015.
Þátttakendur:
| # | Nafn | Aðild | Þátttaka |
| 1 | Skúli Skúlason | Faghópur 1 | Allan tímann |
| 2 | Ása Lovísa Aradóttir | Faghópur 1 | Allan tímann |
| 3 | Birna Lárusdóttir | Faghópur 1 | Allan tímann |
| 4 | Kristján Jónasson | Faghópur 1 | Allan tímann |
| 5 | Tómar Grétar Gunnarsson | Faghópur 1 | Allan tímann |
| 6 | Þorvaldur Þórðarson | Faghópur 1 | Allan tímann |
| 7 | Þorvarður Árnason | Faghópur 1 | Allan tímann |
| 8 | Anna Dóra Sæþórsdóttir | Faghópur 2 | Allan tímann |
| 9 | Anna G. Sverrisdóttir | Faghópur 2 | Allan tímann |
| 10 | Einar Torfi Finnsson | Faghópur 2 | Allan tímann |
| 11 | Guðni Guðbergsson | Faghópur 2 | Allan tímann |
| 12 | Sigþrúður Stella Jóhannsdóttir | Faghópur 2 | Allan tímann |
| 13 | Sveinn Runólfsson | Faghópur 2 | Allan tímann |
| 14 | Jón Ásgeir Kalmansson | Faghópur 3 | Allan tímann |
| 15 | Magnfríður Júlíusdóttir | Faghópur 3 | Allan tímann |
| 16 | Herdís Helga Schopka | UAR | Allan tímann |
| 17 | Erla Björk Þorgeirsdóttir | Orkustofnun | Allan tímann |
| 18 | Steinar Kaldal | Landvernd og NSÍ | Allan tímann |
| 19 | Guðmundur Ingi Guðbrandsson | Landvernd | Allan tímann |
| 20 | Snorri Baldursson | Landvernd | Allan tímann |
| 21 | Hildur Jónsdóttir | Verkefnisstjórn | Allan tímann |
| 22 | Sigmundur Einarsson | Verkefni fyrir faghópa | Allan tímann |
| 23 | Þorleifur Eiríksson | Verkefni fyrir faghópa | Allan tímann |
| 24 | Svanur Ólafsson | Bílstjóri |
Auk þess tóku þátt í ferðinni:
| # | Nafn | Aðild | Þátttaka |
| 25 | Helgi Jóhannesson | Landsvirkjun | Hólmsárvirkjun |
| 26 | Steinunn Huld Atladóttir | Orkusalan | Hólmsárvirkjun |
| 27 | Heiða Guðný Ásgeirsdóttir | Varaoddviti Skaftárhrepps | Hólmsárvirkjun, Búlandsvirkjun |
| 28 | Jóna Björk Jónsdóttir | Varam., sveitarstjórn Skaftárhrepps | Hólmsárvirkjun, Búlandsvirkjun |
| 29 | Jóhannes Gissurarson | Sveitarstjórnarmaður, Skaftárhreppi | Hólmsárvirkjun, Búlandsvirkjun |
| 30 | Bjarki V. Guðnason | Sveitarstjórnarmaður, Skaftárhreppi | Hólmsárvirkjun, Búlandsvirkjun |
| 31 | Guðmundur Valsson | Suðurorka | Búlandsvirkjun |
| 32 | Guðmundur Ingi Jónsson | Suðurorka | Búlandsvirkjun |
| 33 | Friðrik Friðriksson | Suðurorka | Búlandsvirkjun |
| 34 | Ómar Örn Ingólfsson | Ráðgjafi frá Mannviti | Búlandsvirkjun |
| 35 | Rúnar Bjarnason | Ráðgjafi frá Mannviti | Búlandsvirkjun |
| 36 | Pétur Ingólfsson | Landsvirkjun | Skrokkalda, Hágöngur |
| 37 | Bjarni Pálsson | Landsvirkjun | Skrokkalda, Hágöngur |
| 38 | Kristófer A. Tómasson | Sveitarstjóri Skeiða- og Gnúpverjahrepps | Allir virkjunarkostir 6.9. |
| 39 | Pétur Ingi Haraldsson | Skipulagsfulltrúi Skeiða- og Gnúpverjahrepps, Ásahrepps og Flóahrepps | Allir virkjunarkostir 6.9. |
| 40 | Björgvin Skafti Bjarnason | Oddviti Skeiða- og Gnúpverjahrepps | Allir virkjunarkostir 6.9. |
| 41 | Anna María Flygenring | Formaður umhverfisnefndar Skeiða- og Gnúpverjahrepps | Allir virkjunarkostir 6.9. |
| 42 | Nanna Jónsdóttir | Varaoddviti Ásahrepps | Allir virkjunarkostir 6.9. |
| 43 | Margrét Arnardóttir | Landsvirkjun | Búrfellslundur |
| 44 | Helgi Bjarnason | Landsvirkjun | Neðri Þjórsá |
| 45 | Svanhvít Hermannsdóttir | Sveitarstjórnarmaður, Flóahreppi | Neðri Þjórsá |
| 46 | Elín Höskuldsdóttir | Sveitarstjórnarmaður, Flóahreppi | Neðri Þjórsá |
Eftirtaldir virkjunarkostir voru skoðaðir:
- R3121A Hólmsárvirkjun neðri með miðlunarlóni við Atley,
- R3140A Búlandsvirkjun
- R3291A Hágönguvirkjun
- R3126A Skrokkölduvirkjun
- R3301A Búrfellslundur
- R3129A Hvammsvirkjun
- R3130A Holtavirkjun
- R3131A Urriðafossvirkjun
Leiðarlýsing:
Laugardagur 25. júlí:
Lagt var af stað frá BSÍ kl. 8:00. Nokkrir þátttakendur komu inn á leiðinni austur (Hildur Jónsdóttir á Selfossi, Sveinn Runólfsson á Hellu, Tómas Grétar Gunnarsson á Hvolsvelli).
Í Vík í Mýrdal hittu þau Helgi Jóhannesson frá Landsvirkjun og Steinunn Huld Atladóttir frá Orkusölunni hópinn. Helgi kom inn í rútuna og sagði frá tilhögun Hólmsárvirkjunar og forsögu virkjunarkostsins á leiðinni að gatnamótum inn á Öldufellsleið en þangað var komið um kl. 11:30. Þar hitti hópurinn sveitarstjórnarfólk frá Skaftárhreppi, þau Heiðu Guðnýju Ásgeirsdóttur varaoddvita, Jónu Björku Jónsdóttur varamann í sveitarstjórn, Jóhannes Gissurarson sveitarstjórnarmann og Bjarka V. Guðnason sveitarstjórnarmann. Allir komu inn í rútuna og ekið var að Hólmsárfossi, þar sem hádegisnesti var snætt, með stuttu stoppi fyrir útsýni yfir fyrirhugað lónstæði. Svo var ekið að fyrirhuguðu stíflustæði í gljúfri Hólmsár við Atley og það skoðað. Ekið var aftur upp á veg og við Fauskalæk, þar sem útfall virkjunarinnar er fyrirhugað, kvöddu Helgi og Steinunn hópinn, rétt um kl. 14:30.
Frá Fauskalæk var ekið sem leið lá að Tunguseli, þar sem fulltrúar Suðurorku, þeir Guðmundur Valsson, Friðrik Friðriksson og Guðmundur Ingi Jónsson, buðu upp á kaffiveitingar og kynningu á fyrirhuguðum framkvæmdum vegna Búlandsvirkjunar. Einnig voru tveir ráðgjafar frá Mannviti á staðnum, Rúnar Bjarnason og Ómar Örn Ingólfsson. Heiða Guðný Ásgeirsdóttir flutti einnig kynningu á sjónarmiðum landeigenda. Eftir kynningar í Tunguseli var ekið áleiðis inn á Fjallabak um áhrifasvæði virkjunarinnar og stoppað á völdum stöðum. Fulltrúar Suðurorku og Skaftárhrepps kvöddu hópinn í Hólaskjóli upp úr kl. 17 og var þá ekið beina leið í Hálendismiðstöðina Hrauneyjum þar sem hópurinn gisti. Komið var í náttstað kl. 20.
Sunnudagur 26. júlí:
Á sunnudagsmorgni var lagt af stað kl. 8:00. Í hópinn bættust sveitarstjórnarfólk úr Ásahreppi, Nanna Jónsdóttir varaoddviti, og úr Skeiða- og Gnúpverjahreppi, þau Kristófer A. Tómasson sveitarstjóri, Björgvin Skafti Bjarnason oddviti, Anna María Flygenring formaður umhverfisnefndar og Pétur Ingi Haraldsson skipulagsfulltrúi. Einnig bættust þarna í hópinn tveir fulltrúar Landsvirkjunar, þeir Bjarni Pálsson og Pétur Ingólfsson.
Ekið var upp á Sprengisand og fyrirhugaðar framkvæmdir við Skrokköldu- og Hágönguvirkjanir kynntar og ræddar á leið inn að Hágöngulóni. Hádegisverður var snæddur á stíflunni og svo haldið til baka í Hrauneyjar, þangað sem komið var aftur um kl. 14:30.
Í Hrauneyjum yfirgáfu Bjarni Pálsson og Pétur Ingólfsson hópinn og Margrét Arnardóttir og Helgi Bjarnason komu í þeirra stað. Ekið var niður að Búrfellslundi og vindmyllur Landsvirkjunar skoðaðar. Hjá vindmyllunum slógust í hópinn þær Svanhvít Hermannsdóttir og Elín Höskuldsdóttir, sveitarstjórnarmenn úr Flóahreppi. Margrét Arnardóttir yfirgaf hópinn eftir kynningu á vindmyllunum og fyrirhuguðum framkvæmdum við Búrfellslund.
Frá Búrfellslundi var ekið sem leið liggur meðfram Þjórsá. Fyrirætlanir Landsvirkjunar með virkjanir í neðri Þjórsá – þ.e. Hvammsvirkjun, Holtavirkjun og Urriðafossvirkjun – voru kynntar og ræddar. Stoppað var á völdum stöðum til að sjá staðhætti. Eftir síðasta stopp ferðarinnar, við Urriðafoss, kvaddi hópurinn sveitarstjórnarfólk og fulltrúa Landsvirkjunar og hélt til baka til Reykjavíkur og lauk ferðinni þar um kl. 19:30.
Sérfræðingar í faghópum tóku virkan þátt í leiðsögn um þau svæði sem farið var um og kynnti hver sitt sérsvið.
Dagskrá
Laugardagur 05.09.:
08:00 Lagt af stað frá BSÍ
11:40-14:15 Hólmsárvirkjun við Atley
14:15-17:15 Búlandsvirkjun
17:15-19:45 Ekið í Hrauneyjar
20:00 Kvöldverður og gisting í Hrauneyjum
Sunnudagur 06.09.:
8:00 Lagt af stað frá Hrauneyjum í Hágöngur
10:30-12:00 Hágöngur og Skrokkalda
15:00-15:30 Búrfellslundur
16:00-19:00 Virkjanir í neðri Þjórsá
19:30 Komið til baka til Reykjavíkur
Tekið saman 21. september 2015
Herdís Helga Schopka
* Síðast breytt kl. 11:15 24.9.2015 til að leiðrétta rangt nafn eins þátttakenda. HHS