62. fundur, 03.03.2016
Fundarfrásögn
Verkefnisstjórn 3. áfanga rammaáætlunar um verndun og orkunýtingu landsvæða
62. fundur, 03.03.2016, 10:30-20:00
Hraunsnefi, Norðurárdal
Mætt: Stefán Gíslason (SG), Elín R. Líndal (ERL), Helga Barðadóttir (HB), Hildur Jónsdóttir (HJ), Ólafur Örn Haraldsson (ÓÖH) og Þóra Ellen Þórhallsdóttir (ÞEÞ). SG skrifaði fundargerð.
- Fundur settur kl. 09:30.
- Umsagnir stofnana: Farið var yfir fyrirliggjandi umsagnir stofnana um nægjanleika gagna, sbr. 10. gr. laga nr. 48/2011. Fyrir lágu umsagnir Náttúrufræðistofnunar Íslands, dags. 21. desember 2015, Minjastofnunar Íslands, dags. 10. febrúar 2016 og Ferðamálastofu, dags. 23. febrúar 2016. Umsögn Umhverfisstofnunar er væntanleg á allra næstu dögum.
- Áhrif vatnsaflsvirkjana á hafsvæði: Fram kom að hugsanlega lægju nú fyrir ný gögn varðandi áhrif vatnsaflsvirkjana á hafsvæði. Samþykkt var að verkefnisstjórn myndi kynna sér stöðu þekkingar á þessu sviði.
- Frumdrög að flokkun virkjunarkosta: Farið var yfir einkunnagjöf faghóps 1 og faghóps 2, svo og aðrar fyrirliggjandi upplýsingar og ábendingar sem haft gætu áhrif á endanlega flokkun virkjunarkosta í tillögu verkefnisstjórnar til ráðherra. Samþykkt var að halda þeirri vinnu áfram á næsta fundi.
- Fundi slitið kl. 20:00.
Stefán Gíslason