5. fundur faghóps 3, 12.05.2022
Fundargerð
5. fundur í
faghópi 3 um mat á samfélagslegum áhrifum virkjunarkosta,
12. maí 2022 kl. 10:00 – 11:00 á Teams.
Fundargerð
- Rætt um atriði sem fram kom á fundi verkefnisstjórnar og faghópa 2. maí síðastliðinn. Þar skapaðist meðal annars umræða um mikilvægi þess að faghópur 3 þróaði aðferðafræði sína áfram með mótun matskvarða og vogtalna fyrir viðföng og undirviðföng samfélagslegra áhrifa.
- Farið yfir hvert þeirra viðfanga sem faghópurinn telur, á grundvelli fyrri vinnu og rannsókna á vegum faghóps 3 og á grundvelli heimsmarkmiða Sþ og orkustefnu Íslands til ársins 2050, að vænlegast sé að miða við í matsvinnu hópsins. Gerð voru fyrstu drög að lista yfir undirviðföng og matsaðferðir. Rætt um að æskilegt sé að hafa undirviðmið fleiri en færri í byrjun en fækka þeim svo mögulega í ljósi reynslunnar. Einnig sé æskilegt að prufukeyra matskvarðann á einum virkjunarkosti áður en hann sé lagður til grundvallar í megin matsvinnu faghópsins.
- Ákveðið að kanna hvort og þá hvað í fyrirliggjandi rannsóknum geti komið að gagni við gerð matskvarðans. Einnig ákveðið að kanna nýjustu gögn um fasteignagjöld af ólíkum tegundum virkjana.
- Ákveðið að næsti fundur verði 19. maí kl. 13.