4. fundur faghóps 3, 28.04.2022
Fundargerð
4. fundur í
faghópi 3 um mat á samfélagslegum áhrifum virkjunarkosta,
28. apríl 2022 kl. 10:30 – 11:30 á Teams.
Fundargerð
- Rætt um minnisblað Hjalta Jóhannessonar um helstu samfélagsþætti eða markmið samfélagsins sem virkjanir styðja við eða hafa áhrif á sbr. greiningu á niðurstöðum rannsókna faghóps 3 í 4. áfanga rammaáætlunar.
- Rætt um þau markmið í heimsmarkmiðum Sþ. sem gætu verið lögð til grundvallar mati á samfélagslegum áhrifum virkjunarkosta í 5. áfanga rammaáætlunar. Einnig rætt um grunngildi og leiðarljós í orkustefnu Íslands til ársins 2050 í þessu samhengi.
- Fjallað um tiltekin viðmið um samfélagsleg áhrif sem horfa mætti til við mat á samfélagslegum áhrifum virkjunarkosta:
- Samheldni samfélagsins; gæði og gagnsæi undirbúnings af hendi virkjunaraðila, tegundir samráðs og við hverja, líkur á deilum vegna sérstöðu og náttúrugildis svæðis.
- Hve líkleg er ný orkuvinnsla til að auka orkuöryggi og jafnt aðgengi almennings og fyrirtækja að raforku á tilteknu svæði xxHlutdeild sveitarfélaga sem verða fyrir áhrifum af orkuvinnslu í ávinningi/tekjum af virkjunarkosti.
- Hlutdeild þjóðarinnar í ávinningi af virkjunarkosti; í þessu samhengi sé mið tekið af eignarhald á orkufyrirtæki.
- Innviðauppbygging; hvaða vegabætur, fjarskiptabætur osfrv. verða gerðar í tengslum við nýtingu viðkomandi orkuauðlindar og hve líklegar eru þær til að bæta lífsskilyrði íbúa og starfsskilyrði fyrirtækja á viðkomandi svæði.
- Einnig rætt um möguleika á að styðjast við kannanir þegar vægi einstakra matsþátta verður ákvarðað.