32. fundur faghóps 3, 26.06.2023
Fundarfrásögn
32. fundur í
faghópi 3 um mat á samfélagslegum áhrifum virkjunarkosta,
26. júní 2023 kl. 13:00 – 13:55 á Teams.
Mætt: Hafsteinn Birgir Einarsson, Hjalti Jóhannesson, Jón Ásgeir Kalmansson og Sjöfn Vilhelmsdóttir.
Fundargerð
Rætt um óformlegt álit lögfræðinga ráðuneytisins um hvort málefnalegt sé að spyrja um eignarhald við mat á samfélagslegum áhrifum virkjunarkosta. Haft verður samráð við formann verkefnisstjórnar varðandi þá niðurstöðu.
Rætt um landskönnun á landsvísu um virkjanamál, en þar eru komin rúmlega 1000 svör.
Rætt um upplýsingaöflun Landmælinga fyrir faghópinn í tengslum við mögulegar skoðanakannanir um vindorkukosti. Rætt um að framkvæmd slíkra skoðanakannana gæti mögulega verið í samstarfi fleiri en eins aðila.
Áframhaldandi umræður um hvernig best sé að haga utanumhaldi þegar kemur að vinnu við mat á samfélagslegum áhrifum vindorkukostanna. Gert ráð fyrir að drög að verktilboði komi frá RHA varandi þennan þátt fyrir sumarfrí.
Ákveðið að næsti fundur verði miðvikudaginn 9. ágúst kl. 9:00 á Teams.