2. fundur faghóps 2, 14.09.2018
Fundarfrásögn
Faghópur 2
4. áfangi rammaáætlunar um verndun og orkunýtingu landsvæða
2. fundur, 14.09.2018, 10:00-12:50
Umhverfis- og auðlindaráðuneytinu
Mætt: Anna Dóra Sæþórsdóttir (ADS), Einar Torfi Finnsson (ETF), Guðmundur Jóhannesson (GJ), Guðni Guðbergsson (GG), Ólafur Örn Haraldsson (ÓÖH), Sigþrúður Stella Jóhannsdóttir (SSJ) og Sveinn Runólfsson (SR). Guðni Guðbergsson (GG) kom á fundinn kl. 11. Anna G. Sverrisdóttir (AGS) kom á fundinn kl. 12.
Fundarritari: ADS
- Fundur settur kl. 10:05.
- Verndarflokkur rammaáætlunar – Herdís Helga Schopka, sérfræðingur í umhverfis- og auðlindaráðuneytinu kynnti tillögur að friðlýsingu þriggja svæða á grundvelli flokkunar þeirra í verndarflokk rammaáætlunar sem Alþingi samþykkti árið 2013. Um er að ræða svæðin Hólmsá ofan Einhyrnings, Tungnaársvæðið og Jökulfall og Hvítárvatn.
- Kynning á meðlimum faghópsins – Fundargestir gerðu grein fyrir störfum sínum og aðkomu að rammaáætlun.
- Kynning á aðferðafræði sem notuð var í RÁ3 – ADS kynnti aðferðafræðina sem notuð var í fyrri áfanga fyrir fundarmönnum og greindi frá ósk verkefnisstjórnar um að faghópurinn fari yfir aðferðafræðina og skoði hvort hægt sé að styrkja og bæta hana. Nokkur umræða spannst um málið. Faghópurinn fékk þá heimavinnu að lesa yfir athugasemdir sem bárust í umsagnarferli RÁ3 og velta fyrir sér hvort/hvernig hægt sé að bæta aðferðafræðina með hliðsjón af athugasemdunum. Stefnt er að því að funda með hagsmunaaðilum um aðferðafræðina.
- Rannsóknir sumarsins: ADS tilkynnti að samkvæmt ósk verkefnisstjórnar hafi verið farið af stað með rannsókn á áhrifum Hverfisfljótsvirkjunar í sumar. Hluti af gagnasöfnun er nú lokið og er verið að vinna úr gögnunum. Verkefnisstjórnin dró hins vegar til baka ósk um rannsóknarverkefni við Hvítá í Árnessýslu í byggð, Ölfusá og Hvítá í Borgarfirði.
- Fleira ekki rætt. Fundi slitið kl. 12:50.