Um verkefnisstjórn

Hlutverk verkefnisstjórnar rammaáætlunar er að veita ráðherra ráðgjöf um vernd og orkunýtingu landsvæða. Samkvæmt lögum um rammaáætlun ber umhverfis- og auðlindaráðherra, í samráði og samvinnu við ráðherra þann sem fer með orkumál, að leggja fram á Alþingi tillögu um flokkun virkjunarkosta eigi sjaldnar en á fjögurra ára fresti. Verkefnisstjórn rammaáætlunar lagar vinnu sína að þessum tímamörkum.

Verkefnisstjórnin telur sex manns og er skipuð af umhverfis- og auðlindaráðherra eftir tilnefningum frá atvinnuvega- og nýsköpunarráðuneyti (tveir fulltrúar), forsætisráðuneyti (einn fulltrúi), Sambandi íslenskra sveitarfélaga (einn fulltrúi) og án tilnefningar (tveir fulltrúar, þ. á m. formaður). Verkefnisstjórnin er skipuð til fjögurra ára í senn.

Samkvæmt lögunum um rammaáætlun ber verkefnisstjórninni að sjá til þess að „… nýting landsvæða þar sem er að finna virkjunarkosti byggist á langtímasjónarmiðum og heildstæðu hagsmunamati … með sjálfbæra þróun að leiðarljósi.“ Verkefnisstjórnin hefur tvö verkfæri til að sinna þessari skyldu sinni.

1.       Verkefnisstjórnin sækir ráðgjöf til svokallaðra faghópa sem skipaðir eru sérfræðingum á ýmsum sviðum. Verkefnisstjórn ákveður fjölda og viðfangsefni faghópanna og velur fulltrúa í þá. Faghóparnir veita verkefnisstjórninni þá ráðgjöf sem hún þarf til að geta útbúið tillögur til ráðherra um vernd og nýtingu orkusvæða eins og lögin segja fyrir um.

2.       Verkefnisstjórnin leitar samráðs við hagsmunaaðila, stofnanir hins opinbera, almenning og frjáls félagasamtök á ýmsum stigum vinnunnar við rammaáætlun, eins og mælt er fyrir um í lögunum. Gerð er grein fyrir þessu samráði á tímalínunni.

Í 4. áfanga leggur ráðuneytið áherslu á að í byrjun starfsins taki verkefnisstjórn saman og kynni þá aðferðafræði sem hún hyggist beita. Þar verði sérstaklega höfð til hliðsjónar reynsla af fyrri áföngum í vinnu verkefnisstjórnar. Lögð er sérstök áhersla á að verkefnisstjórnin starfi með þeim hætti að tryggt sé að almenningur hafi virka aðkomu og félagasamtök taki þátt í öllu starfi í tengslum við rammaáætlun. 

Fulltrúar í verkefnisstjórn 2017-2021

Verkefnisstjórn 4. áfanga rammaáætlunar var skipuð af Björt Ólafsdóttur, umhverfis- og auðlindaráðherra, í apríl 2013.

Í verkefnisstjórninni sitja: 

  • Guðrún Pétursdóttir, framkvæmdastjóri Stofnunar Sæmundar fróða, formaður, skipuð án tilnefningar 
  • Þóra Ellen Þórhallsdóttir, prófessor, skipuð án tilnefningar 
  • Guðrún A. Sævarsdóttir, forseti tækni- og verkfræðideildar HR, tilnefnd af atvinnuvega- og nýsköpunarráðuneyti 
  • Helgi Jóhannesson, hæstaréttarlögmaður, tilnefndur af atvinnuvega- og nýsköpunarráðuneyti 
  • Þórgnýr Dýrfjörð, framkvæmdastjóri hjá Akureyrarstofu, tilnefndur af forsætisráðuneyti 
  • Elín R. Líndal, sveitarstjórnarfulltrúi, tilnefnd af Sambandi íslenskra sveitarfélaga

Varamenn þeirra eru, í sömu röð,

  • Magnús Guðmundsson, forstjóri Landmælinga Íslands, varamaður formanns, skipaður án tilnefningar 
  • Jórunn Harðardóttir, framkvæmdastjóri úrvinnslu- og rannsóknasviðs Veðurstofu Íslands, skipuð án tilnefningar 
  • Ágúst Sigurðsson, sveitarstjóri Rangárþings ytra, tilnefndur af atvinnuvega- og nýsköpunarráðuneyti 
  • Laufey Jóhannsdóttir, fyrrverandi sveitarstjóri í Hvalfjarðarsveit, tilnefnd af atvinnuvega- og nýsköpunarráðuneyti 
  • Ragnheiður H. Þórarinsdóttir, sérfræðingur í mennta- og menningarmálaráðuneyti, tilnefnd af forsætisráðuneyti 
  • Guðjón Bragason, sviðsstjóri, tilnefndur af Sambandi íslenskra sveitarfélaga:

 

Starfsmaður verkefnisstjórnarinnar er Herdís Helga Schopka, sérfræðingur í umhverfis- og auðlindaráðuneyti.

 

Erindisbréf verkefnisstjórnar

Hér fer á eftir texti erindisbréfs verkefnisstjórnar, dagsett hinn 5. apríl 2017:

Umhverfis- og auðlindaráðherra skipar yður hér með aðalfulltrúa í verkefnisstjórn rammaáætlunar til næstu fjögurra ára, sbr. lög nr. 48/2011 um verndar- og orkunýtingaráætlun. 

Verkefnisstjórnin er þannig skipuð: 

Guðrún Pétursdóttir, framkvæmdastjóri Stofnunar Sæmundar fróða, formaður, skipuð án tilnefningar, kt. 141250-3969, 

Magnús Guðmundsson, forstjóri Landmælinga Íslands, varamaður formanns, skipaður án tilnefningar, kt. 190560-4659. 

Þóra Ellen Þórhallsdóttir, prófessor, skipuð án tilnefningar, kt. 220654-2739, 

Jórunn Harðardóttir, framkvæmdastjóri úrvinnslu- og rannsóknasviðs Veðurstofu Íslands, til vara, skipuð án tilnefningar, kt. 051268-3509. 

Tilnefnd af atvinnuvega- og nýsköpunarráðuneyti: 

Guðrún A. Sævarsdóttir, forseti tækni- og verkfræðideildar HR, aðalfulltrúi, kt. 030871-3919, 

Ágúst Sigurðsson, sveitarstjóri Rangárþings ytra, til vara, kt. 311064-4879, 

Helgi Jóhannesson, hæstaréttarlögmaður, aðalfulltrúi, kt. 041063-5219, 

Laufey Jóhannsdóttir, fyrrverandi sveitarstjóri í Hvalfjarðarsveit, til vara, kt. 060348-4729. 

Tilnefnd af mennta- og menningarmálaráðuneyti: 

Þórgnýr Dýrfjörð, framkvæmdastjóri hjá Akureyrarstofu, aðalfulltrúi, kt. 161267-5119, 

Ragnheiður H. Þórarinsdóttir, sérfræðingur í mennta- og menningarmálaráðuneyti, til vara, kt. 020852-4539. 

Tilnefnd af Sambandi íslenskra sveitarfélaga: 

Elín R. Líndal, sveitarstjórnarfulltrúi í Húnaþingi vestra, aðalfulltrúi, kt. 240556-4569, 

Guðjón Bragason, sviðsstjóri hjá Sambandi íslenskra sveitarfélaga, til vara, kt. 280266-3029. 

Verkefnastjórn starfar samkvæmt lögum nr. 48/2011 um verndar- og orkunýtingaráætlun og hefur það hlutverk að vera ráðherra til ráðgjafar við undirbúning að gerð tillagna fyrir verndar- og orkunýtingaráætlun, sbr. 8.-11. gr. laganna. Markmið laganna er að tryggja að nýting landsvæða þar sem möguleikar eru á orkuvinnslu byggist á langtímasjónarmiðum og heildstæðu hagsmunamati, með sjálfbæra þróun að leiðarljósi. Verkefnisstjórnin fjallar um virkjunarhugmyndir og landsvæði í samræmi við beiðnir þar um og getur einnig endurmetið virkjunarhugmyndir og landsvæði gildandi áætlunar. 

Samkvæmt lögum nr. 48/2011 ber verkefnisstjórn að skipa faghópa með sérfræðingum á viðeigandi sviðum til að fara yfir virkjunaráform og skal hún að fengnum niðurstöðum faghópa vinna drög að tillögum um flokkun virkjunarhugmynda og afmörkun virkjunar- og verndarsvæða. Að loknu samráðs- og kynningarferli og umhverfismati í samræmi við lög nr. 105/2006 ber verkefnisstjórn að leggja fyrir ráðherra rökstuddar tillögur um flokkun virkjunarhugmynda og afmörkun landsvæða. 

Ráðuneytið leggur áherslu á að í byrjun starfsins taki verkefnisstjórn saman og kynni þá aðferðafræði sem hún hyggist beita í 4. áfanga, að höfðu samráði við ráðuneytið. Þar verði sérstaklega höfð til hliðsjónar reynsla af fyrri áföngum í vinnu verkefnisstjórnar. 

Ráðuneytið leggur ríka áherslu á að verkefnisstjórnin starfi með þeim hætti að tryggt sé að almenningur hafi virka aðkomu og félagasamtök taki virkan þátt í öllu starfi við rammaáætlun. 

Tillögum um flokkun virkjunarhugmynda og afmörkun landsvæða skal skilað til ráðherra innan fjögurra ára frá skipun verkefnisstjórnar. 

Starfsmaður verkefnisstjórnarinnar er Herdís Helga Schopka, sérfræðingur í umhverfis- og auðlindaráðuneytinu. Ráðuneytin bera sjálf kostnað af sínum fulltrúum í verkefnisstjórninni, en laun fulltrúa Sambands íslenskra sveitarfélaga ákvarðast af þóknananefnd fjármála- og efnahagsráðuneytis. 

Verkefnisstjórnin tekur þegar til starfa. 

Undirritað: Björt Ólafsdóttir, Sigríður Auður Arnardóttir

Starfsreglur verkefnisstjórnar

Í lögum um verndar- og orkunýtingaráætlun segir:

Að fengnum tillögum verkefnisstjórnar setur ráðherra, í samráði við [þann ráðherra er fer með [orkumál],1)]2) reglur um hvernig verkefnisstjórn skuli starfa, þ.m.t. um upplýsingaöflun, viðmið og matsaðferðir. Reglurnar skulu birtar í Stjórnartíðindum. (6.mgr. 10.gr. laga nr. 48/2011)

Reglur þessar voru undirritaðar af umhverfis- og auðlindaráðherra þann 22 maí 2015 og birtar í Stjórnartíðindum 12. júní sama ár.