Innsend umsögn
| Nafn: | Gísli Rúnar Konráðsson |
|---|---|
| Númer umsagnar: | 298 |
| Landsvæði: | Almenn umsögn |
|---|---|
| Virkjunarhugmynd: | Skatastaðavirkjun C - R3107C |
| Umsögn: | Ath. Umsögnin á einnig við Skatastaðavirkjun D - R3107D, Villinganesvirkjun R3108A og Blöndu - veitu úr Vestari Jökulsá R3143A Umsögn frá Áhugahópi um verndun Jökulsánna í Skagafirði Áhugahópur um verndun Jökulsánna í Skagafirði fagnar þeirri niðurstöðu verkefnisstjórnar rammaáætlunar að allt vatnasvið Jökulsár eystri, Jökulsár vestari og Héraðsvatna skuli vera í verndarflokki. Þar með eru allar áætlanir um Skatastaðavirkjun og Villinganesvirkjun slegnar út af borðinu. Sama gildir um veitu úr Jökulsá vestari til Blönduvirkjunar. Áhugahópurinn telur niðurstöðu verkefnisstjórnar skynsamlega. Með henni er komið í veg fyrir gríðarleg óafturkræf náttúruspjöll og vernd svæðisins tryggð til frambúðar, íbúum Skagafjarðar og landsins alls til heilla. Verðmætamat vatnasvæðisins er hæst af öllum metnum svæðum og neikvæð áhrif virkjana þar sömuleiðis mest. Röðun í verndarflokk á því að vera sjálfsögð og óumdeild. Það eru ómetanleg gæði að geta notið óspilltrar náttúru svæðisins sem um ræðir og nýtt það jafnframt, m.a. til landbúnaðar og margvíslegrar ferðaþjónustu. Því ítrekar Áhugahópurinn stuðning sinn við þá niðurstöðu að árnar og vatnasvið þeirra skuli vera í verndarflokki og treystir því að hún muni standa. Áhugahópur um verndun Jökulsánna í Skagafirði var stofnaður árið 2005 og hefur alla tíð notið víðtæks stuðnings. Á Facebókarsíðu hópsins sem opnuð var í lok júní sl. hafa þegar á annað þúsund manns lýst yfir stuðningi við verndun ánna og fer sífellt fjölgandi. Fyrir hönd Áhugahóps um verndun Jökulsánna í Skagafirði: Berglind Indriðadóttir kt. 090776-5339 Gísli Rúnar Konráðsson kt. 220857-4769 Guðmundur Stefán Sigurðarson kt. 201280-3389 Helga Rós Indriðadóttir kt. 2206669-5809 Kristján Kristjánsson kt. 070647-3119 Sigurður Hansen kt. 241239-4469 |
|---|
| Fylgigögn: |
|
|---|