27. fundur faghóps 2, 13.06.2023
Fundarfrásögn
Faghópur 2
5. áfangi rammaáætlunar um verndun og orkunýtingu landsvæða
27. fundur, 13.06.2023, kl. 15:00-17:00
Fundur haldinn í netheimum
Mætt: Anna Dóra Sæþórsdóttir (ADS), Anna G. Sverrisdóttir (AGS), Einar Torfi Finnsson (ETF), Guðni Guðbergsson (GG), Sigþrúður Stella Jóhannsdóttir (SSJ), Skarphéðinn G. Þórisson (SGÞ) og Unnur Svavarsdóttir (US).
Bryndís Marteinsdóttir og Hjörleifur Finnsson boðuðu forföll.
Fundarritari: SSJ
Fundur settur kl. 15:00
Staða mála - vettvangsferðir
ADS greindi frá því að búið er að tímasetja vettvangsferðir 17-19. ágúst og verður fljótlega send út þátttökukönnun. Um er að ræða dagsferðir úr Reykjavík. Ekki er búið að tímasetja skoðunarferð að Hnotasteini á Melrakkasléttu og að Vindheimum í Hörgárbyggð en faghópar senda fulltrúa í þá ferð.
Skrokkalda – greinargerð
Umræður um fyrstu drög að greinargerð um Skrokkölduvirkjun sem ADS sendi faghópnum fyrir fund.
Næstu fundir
Ákveðið að faghópurinn fundi næst 22. ágúst og síðan aftur 5. september. Eftir það verði fundað a.m.k. vikulega en nánari ákvörðun um skipulag funda tekin á fundi 5. september.
Mat á virði ferðasvæða
Unnið að virðismati ferðasvæða á áhrifasvæðum virkjunarkosta.
Fundi slitið kl. 17:00