37. fundur 23.01.2020
Fundarfrásögn
Verkefnisstjórn 4. áfanga rammaáætlunar um verndun og orkunýtingu landsvæða
37. fundur 23.01.2020 kl 14-16
Umhverfis- og auðlindaráðuneytið
Mætt: Elín Líndal (á fjarfundi) Guðrún Pétursdóttir formaður, Guðrún Sævarsdóttir, Hilmar Gunnlaugsson (a fjarfundi), Magnús Guðmundsson, Þóra Ellen Þórhallsdóttir
Formenn faghópa: Anna Dóra Sæþórsdóttir, Ása Aradóttir, Jón Ásgeir Kalmansson, Sigurður Jóhannesson
Frá UAR: Þorsteinn Sæmundsson
Forföll boðaði Þórgnýr Dýrfjörð
Dagskrá:
1. Starfstími verkefnastjórnar og faghópa
GP greindi frá fundi þeirra MG með Jóni Geir Péturssyni og Þorsteini Sæmundssyni þar sem fjallað var um horfur ársins. Ljóst er að skipunartími verkefnastjórnar rennur út í byrjun apríl 2021. Miðað við lagarammann, sem m.a. kveður á um margra mánaða kynningar- og umsagnarferli, munu frumtillögur verkefnastjórnar um flokkun virkjanahugmynda verða að liggja fyrir í ágústlok 2020. Enn hafa engar tillögur borist til verkefnastjórnar. JGP sagði að skil verkefnastjórnar yrðu að ráðast af þeim tíma sem hún hefði til starfa og ekki yrði ætlast til þess að henni ynnist tími til að flokka virkjanahugmyndirnar með sama hætti og fyrri verkefnastjórnir hafa gert.
Fundarmenn lýstu áhyggjum yfir þessum knappa tímaramma og lögðu áherslu á mikilvægi þess að vanda til verka við matið.
2. Fjármál
GP og ÞS fóru yfir fjárhagsramma RÁ4 fyrir árið 2020.
3. Orkustofnun
GP rifjaði upp að Orkustofnun staðfesti síðla hausts að innkomnar hugmyndir að nýjum virkjunum verði sendar verkefnastjórn í tveimur áföngum, 1.febrúar 2020 og 1. apríl 2020. Hún hefur minnt OS á skilafrestinn.
4. Framlagning þingsályktuartillögu um RÁ3
Rædd voru áform ráðherra umhverfis- og auðlindamála um að leggja fram á vorþingi þingsálytunartillögu um RÁ3 samhliða frumvarpi um þjóðgarð á miðhálendi Íslands og frumvarpi um Þjóðgarðamiðstöð.
5. Önnur mál
GP greindi frá erindum sem borist hafa frá síðasta fundi og verða búin undir umfjöllun verkefnastjórnar.
Fleira ekki gert og fundi slitið kl 16
GP ritaði fundargerð