Tillögur verkefnisstjórnar um flokkun virkjunarkosta kynntar
Seinna samráðsferli að hefjast
Að afloknu umsagnarferli um drög að tillögu um flokkun virkjunarkosta hefur verkefnisstjórn áætlunar um vernd og orkunýtingu landsvæða útbúið tillögu að flokkun virkjunarkosta og óskar nú eftir umsögnum um tillöguna í samræmi við 3. mgr. 10. gr. laga nr. 48/2011, um verndar- og orkunýtingaráætlun. Tillöguna og fylgigögn má nálgast hér á vef áætlunarinnar, www.rammaaaetlun.is.
Umsagnarferlið mun standa til miðnættis miðvikudaginn 19. mars 2014. Umsögnum má skila á netfangið rammaaaetlun@rammaaaetlun.is, í bréfapósti til starfsmanns verkefnisstjórnar, Herdísar Schopka, í umhverfis- og auðlindaráðuneytið, Skuggasundi 1, IS-101 Reykjavík, eða á vef áætlunarinnar á þar til gerðum umsagnarvef sem mun verða opnaður í byrjun mars 2014.
Verkefnisstjórn 3. áfanga áætlunar um vernd og orkunýtingu landsvæða
Fylgiskjöl:
Tillaga um flokkun virkjunarkosta 19. desember 2013
Beiðni um frekari upplýsingar frá Landsvirkjun
Kort af virkjunarkostum í neðri hluta Þjórsár
Drög að tillögu að flokkun virkjunarkosta (birt 6.12.2013)